Më në fund Kombëtarja shqiptare ka rinisur ngjitjen në renditjen e FIFA-s. Qeveria botërore e futbollit ka publikuar sot renditjen mujore dhe jemi ngjitur nga vendi i 71-të në të 62-tin, me 9 vende më lart, pas disa muajsh në rënie.
E njëjta gjë ka ndodhur edhe me Kosovën, që është tashmë në vendin e 174-t në botë, nga vendi i 183-të që ishte muajin e shkuar.
Ngjitja ka ardhur si fryt i pikëve të mbledhura në javët e fundit, sepse Shqipëria mundi Turqinë dhe ka kaluar nga 498 pikë në 553, ndërsa Kosova kishte 67 pikë muajin e shkuar dhe ka shkuar në 97 pikë tani.
