Shqipëria do ta nisë kundër Italisë fazën e grupeve të Euro 2024 më 15 qershor. Megjithëse nuk e ka historinë e Italisë, Spanjë, apo Kroacisë, Kombëtarja kuqezi mbetet një kundërshtar që nuk duhet anashkaluar. Këtë e pranon edhe vetë Spaleti, i cili ka thënë për “SportMediaset” se Shqipëria është një nga ekipet që gëzon formën më të mirë.
“Për momentin Shqipëria është një nga ekipet kombëtare në gjendjen më të mirë, është një ekip që di shumë mirë të qëndrojë në fushë. Kjo periudhë kohore mund t’i ndryshojë pak gjërat, por në bazë të mënyrës si arritëm atje jemi ne të cilët duhet të shohin menjëherë një reagim shumë të fortë”, ka thënë Luçiano Spaleti./Sport Ekspres/