Arbitri turk Cakir ishte më i komentuari në “Champions League” pasi u bë protagonist dhe vendosi humbjen e Milanit në takimin ndaj Atletio Madrid. Kuqezinjtë u rikthyen pas shumë kohësh në elitën e futbollit të Europës dhe kompeticionin më të rëndësishëm, por me siguri se do të eliminohen në saj të gafave të Cakir.
Ndërkohë një tjetër lajm që ka marrë jehonë ishte “gradimi” i tij për ndeshjen Gjermani-Rumani, në një kohë që pritej dënimi. Megjithatë ajo që duhet sqaruar në këtë rast është se thërritja e gjyqtarëve është bërë nga e FIFA-s dhe jo nga UEFA. Por FIFA ka dënuar Abdulkadir Bitigen që ishte përgjegjës në VAR për Milan-Atletico dhe nuk ka ndërhyrë në momentet e shumë diskutuara. /Sport Ekspres/