Shpenzimet e mëdha, me shifra jashtë logjike, nuk janë gjithmonë garanci për sukses. Këtë e ka provuar Paris Saint Zhermen në arenën ndërkombëtare dhe tani konfirmohet nga dy skuadrat e Mançesterit, Siti dhe Junajtid.
Të dyja së bashku këto klube kanë shpenzuar 1,8 miliardë euro në pesë vitet e fundit. Megjithë shifrën e frikshme, maksimumi që kanë arritur janë gjysmëfinalet e Champions.
Klasifikimi special për 10 klubet që kanë shpenzuar më tepër nga viti 2013 deri më tani është publikuar nga gazeta “As”. “Sitizëns” kryesojnë me një miliard e 14 milionë euro. Pas tyre vjen Junajtid me 860 milionë euro, ndërsa podiumi plotësohet nga Barcelona me 849 milionë.
Juventusi renditet në mënyrë surprizë përpara Paris Seint Zhermen, Çelsit dhe Liverpul, ndërkohë që Reali i Madridit pozicionohet vetëm në vendin e nëntë, me “Top 10” që mbyllet nga Interi.
Klubet që kanë shpenzuar më tepër në 5 vjet
1. Mançester Siti 1,014 mln
2. Mançester Junajtid 860 mln
3. Barcelona 849 mln
4. Juventus 814,3 mln
5. PSG 813 mln
6. Çelsi 785 mln
7. Liverpul 763 mln
8. At. Madrid 570 mln
9. Real Madrid 546 mln
10. Inter 510 mln