Shkëndija nuk merr pjesë në kupën Pavarësia!

0

 

Skuadra tetovare ka marrë pjesë rregullisht në turneun që organizon FSHF, por këtë herë nuk do të jetë kështu, shkak angazhimet në kampionat dhe objektivi titull. Liria e Shkëmbit gati ta zëvendësojë

Edhe pse u paralajmërua pjesëmarrja e KF Shkëndijës në kuadër të turneut “Pavarësia” i cili organizohet tradicionalisht nga Federata Shqiptare e Futbollit, në kuadër të festave të nëntorit, nga klubi tetovar megjithatë konfirmuan se këtë vit nuk do të marrin pjesë në të njëjtin, shkaku i angazhimeve që kanë në ndeshjet e kampionatit, njofton “infOSport.mk”. Një gjë të tillë u konfirmua nga Zyra për Marrëdhënie me Publikun: “KF Shkëndija sërish ka qenë e nderuar për të qenë pjesë e Kupës Pavarësia ku ne me kënaqësinë më të madhe kemi marrë pjesë vite me radhë. Mirëpo kësaj radhe me keqardhje kemi njoftuar FSHF-në se këtë vit nuk do të mund të jemi pjesë e kësaj feste shkaku i angazhimeve që kemi në kampionatin vendor.

Përveç ekipit të parë, Shkëndija është lider dhe garon për titull edhe në kategoritë e juniorëve dhe kadetëve dhe në kushte të tilla kufizohemi të dërgojmë në Shqipëri qoftë edhe formacion të kombinuar apo ekipin e të rinjve. Para vetes kemi ndeshje të rëndësishme kampionale në të gjitha kategoritë dhe duke respektuar peshën e këtij turneu festiv që përket me pavarësinë e shtetit shqiptar  jemi të detyruar kësaj radhe të anulojmë pjesëmarrjen. Urojmë turneu të shkojë si gjithmonë në mënyrën më të mirë, ndërsa në të ardhmen Shkëndija sërish të kthehet të luajë në këtë festë kombëtare”. Pjesëmarrjen e deritanishme në këtë turne tradicionale e kanë konfirmuar KF Tirana, Besa e Pejës, Otranti nga Ulqini i Malit të Zi, ndërsa vendin e Shkëndijës me shumë gjasa do ta zë Liria e Prizrenit nga Superliga e Kosovës.

You might also like
Leave A Reply

Your email address will not be published.