Lukas Bilia dhe Frenk Kesi patën një debat, që për pak nuk kaloi në dhunë në derbin e fundit ndaj Interit. Pas zëvendësimit të Kesi, pasoi një debat verbal, që falë ndërhyrjes së Abates dhe stafit nuk konkludoi në dhunë. Megjithatë, kjo ishte një figurë mjaft e shëmtuar. Këto momente duhet të evitohen nga profesionistët.
Kështu mendon dhe mesfushori argjentinas. Ai shprehet se është ndjerë tepër keq pas atij momenti dhe i është dashur kohë për ta kaluar. Mesfushori shprehet se është një familjar dhe është e turpshme që fëmijët e tij të shohin këtë skenë. Marrëdhëniet mes të dyve tashmë janë normalizuar.
“Jam ndjerë i lënduar 3-4 javë më pas. Nuk më pëlqen ta shoh veten si një budalla. Sidomos për faktin që kam fëmijë. Unë duhet tu mësoj atyre atë çka më mësuan prindërit e mi. Kam dashur të mbështes shokun, që sapo hyri në fushë dhe jo të ofendoj Kesin. Nuk kam asgjë personale me të. Përkundrazi kemi një marrëdhënie shumë të mirë”, përfundoi Bilia.