Regi Lushkja është transferuar te Sherifi i Tiraspolit pas kontributit të gjatë për ekipin e Laçit. Mesfushori e mbylli me golin fantastik ndaj Partizanit, si një qershi mbi tortë që i dhuroi fitoren e fundit kurbinasve. Ndërkohë Sherifi i Tiraspolit ka publikuar edhe listën e lojtarëve që do të jenë në dizpozicion për ndeshjen e Europa League ndaj Bragës.
Në këtë listë vihet re mungesa e Regi Lushkjas, por edhe afrimeve të tjera të janarit që fillimisht duhet të përshtaten me ekipin përpara se të dalin në skenën europiane të futbollit. Besimi është i madh se Lushkja do të dëshmojë të gjitha vlerat e tij me ekipin moldav duke njohur potencialin. /Sport Ekspres/