Një ide e çmendur ka ardhur nga SHBA-ja. Ky vend ka propozuar organizimin e një kampionati botëror me të gjithë ekipet që dështuan të kualifikoheshin në “Rusi 2018”! Vetë SHBA-ja është një nga vendet që nuk arriti të kualifikohej për në Botëror. Dhe kjo ka qenë arsyeja për nga ka lindur kjo ide ku veç SHBA-së do të merrnin pjesë dhe kombëtare të tjera të rëndësishme si Holanda, Italia, Kili, Gana e të tjera. Për momentin bëhet fjalë vetëm për një ide, por që nuk duhet anashkaluar. Në SHBA i bëjnë llogaritë ndryshe, sepse mendojnë se me organizimin e një “Botërori të të dështuarve” do të fitoheshin disa miliona të humbura nga dështimi për të qenë pjesë e Botërorit të vërtetë në Rusi.