Serbia ka provokuar hapur gjatë ndeshjes me Brazilin. Në dhomën e zhveshjes së kësaj Kombëtareje është shfaqur flamuri serb me hartën e Kosovës. Edmond Ruço ka dënuar këtë akt të palës sërbe, duke sjellë në kujtesë se lojtarët serbë dhe ata shqiptarë luajnë bashkë në klubet e tyre. I ftuar në studion e emisionit “Botërori Katar 2022“, Ruço është shprehur se shpreson në fitoren e Zvicrës, në mënyrë që Serbia të mendohet edhe një herë për gjestin që ka kryer.
“Si futbollistët serb, si kosovarë, si shqiptarë, si zviceranë luajnë bashkë nëpër klube. Unë nuk e kuptoj këtë gjest në fakt. Na mbetet të themi që shpresojmë të fitojë Zvicra dhe këta (serbët) të mendohem mirë për aktet që kanë bërë. Atyre u duket sikur të gjithë e kanë me Serbinë. Siç thotë populli, u ha miza. Nuk do t’ja dijë askush kush është Serbia”, ka thënë Edmond Ruço./Halit Delibashi-Sport Ekspres/