Fatjon Sefa rikthehet si në kohërat e arta. Dy gola në Kukës, tre pikë të çmuara dhe shpresa rikthehet në Lushnje. Sulmuesi i fuqishëm foli pas ndeshjes në Supersport, duke këmbëngulur se fitorja në Kukës nuk ishte e rastësishme.
“Kemi qenë në situatë mjaft të vështirë, kemi besuar gjithnjë se kishim potencial për më shumë.
“Sot treguam që jemi një ekip që do garojë deri në fund të kampionatit. Falë punës së Banos dhe trajnerit Dedja, që mbajti ekipin në ekuilibër dhe për këtë e përgëzoj, pasi e mbajti grupin, duke mos e lënë të ndihet jetim”.
“Rastësi kjo ndeshje? Lushnja ka një grup të bashkuar, pa individë. Te ne është grupi, normalisht unë duhet të bëj më shumë, por duke pasur parasysh ndeshjet e tjera, ne jemi paraqitur mirë, kemi bërë maksimumin”.