Legia e Varshavës s’ia ka dalë dot të përmbysë humbjen e thellë 3-1 në Kazakistan ndaj Astanës. Në Poloni ka ardhur një fitore minimale 1-0, teksa gjatë gjithë pjesës së dytë dhe në minutat finale, skuadra kampione e Polonisë është përpjekur të shënojë por pa gjetur kuadratin. Sakaq, kalon më tej Besnik Hasi dhe Olimpiakosi i tij, duke qenë se në Athinë mbaroi 2-2. Një rezultat që nuk prish planet e kampionëve helenë, duke qenë se fituan me rezultatin 1-3 në Beograd, një javë më parë. Kështu, më tej kalon Hasi dhe mbetet në shtëpi Armando Sadiku.