Fushatat janë të shumta. Fifa, klubet, lojtarët, madje dhe qeveritë janë angazhuar në luftën kundër racizmit.
Gjithsesi fenomeni negativ mbetet. Kjo u konfirmua në Rusi, aty ku tifozët e Torpedos së Moskës kanë kontestuar klubin pas blerjes së lojtarit me ngjyrë, Erving Botaka-Joboma. Protesta pati menjëherë impakt, për keq!
“Ngjyrat tona janë të zeza, por në skuadër duam vetëm të bardhë”, ishte thirrja skandaloze e tifozëve. Pronari i klubit të Ligës së dytë ruse, Avdejev i doli menjëherë në mbrojtje lojtarit.
Në mbështetje të mbrojtësit u shpreh edhe Shoqata Ruse e Futbollistëve. Kjo e fundit i quajti “idiotë” ultrasit e grupimit “Zapat-5”.