Goditje milionere, negociata, yje që synohen dhe të tjerë që ëndërrohen. Merkato ka marrë një rëndësi jetike në futbollin modern.
Nga shifrat e çmendura që qarkullojnë në Angli, te kalimi i bujshëm i Kristiano Ronaldos te Juventusi, dredhia e Barcelonës me Malkom apo ofertat milionere të Realit për të nisur një cikël të ri. Të tjerë klube “big” që presin dhurata, të cilat mund të ndryshojnë fatet e sezonit. Por, deri kur mund të operohet në merkato?
Premier Liga është ajo që e mbyll më shpejt afatin e transferimeve: në datën 9 gusht, ora 18:00. Pasi kampionati në Angli të ketë nisur, askush nuk mund të blejë më lojtarë. Kjo datë është një revolucion më vete në ishull.
E dyta në listë është Seria A. Klubet kërkuan që merkato të mbyllet para startit të kampionatit dhe Liga e Futbollit caktoi orën 20:00 të datës 17 gusht.
Bundesliga gjermane, Liga e Parë franceze dhe Liga spanjolle e mbyllin afatin e transferimeve më 31 gusht, por në kohë të ndryshme. Në Gjermani merkato përfundon në orën 18:00, ndërsa në Francë dhe Spanjë në mesnatë.
Në muajin shtator radhën për të mbyllur merkaton e kanë Turqia më datë 1, Holanda në 2 dhe Rusia në datën 6.
Kampionati Data e mbylljes
Premier Liga 9 gusht, ora 18:00
Seria A 17 gusht, ora 20:00
Bundesliga 31 gusht, ora 18:00
Liga e Parë 31 gusht, ora 24:00
La Liga 31 gusht, ora 24:00