Renditja pa VAR në Superiore! Partizani përfiton më shumë nga risia e re, Teuta penalizohet më tepër nga rishikimi i rasteve

0

Nga Klaudio Ndreca

Pas çdo jave të mbyllur të kampionatit shqiptar, “Sport Ekspres” do të sjelli edhe lupën e vëzhgimit për të parë sesi po ndikon risia e re e “Abissnet Superiore”. Po aq sa emri, e veçanta e këtij viti është futja e VAR. Tashmë arbitrat do ta kenë më të lehtë nga njëra anë për të marrë vendimet e tyre, ndërsa nga tjetra kanë më shumë përgjegjësi për të mos gabuar. Por si do të ishte situata pa VAR-in në Superiore? Për të treguar renditjen e plotë me pikë pa këtë teknologji do të ishte e pakuptimtë, pasi nuk mund të parashikojmë sesi do shkonte fati i ndeshjes.

Por kemi zgjedhur që të veçojmë rastet pro dhe kundër kur VAR-i ka ndërhyrë për të kthyer tërësisht vendimin e parë të arbitrit. Pra nëse arbitri akordon gol dhe VAR i tregon se bëhet fjalë për pozicion jashtë loje. Si momente kulminante dhe që ndikojnë në renditje kemi zgjedhur penalltitë, kartonin e kuq dhe sigurisht, akordimin e anulimin e golave.

Nga ky vëzhgim shohim se në dy ndeshjet e para Partizani ka përfituar më shumë nga hyrja e VAR, megjithëse në mënyrë paradoksale nuk e ka marrë ende fitoren e parë. Ndërkohë Teuta është “e penalizuar” më tepër nga rishikimi i pamjeve.

Partizani +2 (Penallti ndaj Teutës dhe Skënderbeut)

Vllaznia +2 (Penallti ndaj Laçit, kartoni i kuq për Todorovskin)/ -1 (Penalltia e anuluar me Teutën)

Dinamo +1 (Goli i dytë i Cinedou ndaj Kastriotit)

Teuta +1 (Penalltia e anuluar për Vllazninë)/ -2 (Penalltia e dhënë për Partizanin, kartoni i kuq ndaj Vllaznisë)

Egnatia +1 (Goli i hequr i Tiranës)

Laçi -1

Kastrioti -1

Skënderbeu -1

Tirana -1

You might also like
Leave A Reply

Your email address will not be published.