Një barazim me Veronën në ndeshjen e fundit të Serisë A sezonin e shkuar la pa pjesëmarrje në Champions League Napolin. Arsyet e një dështimi të tillë i zbulon Edi Reja, i cili tregon për “Radio Kiss Kiss Napoli” fjalët që Hysaj i pati thënë në lidhje me atë ndeshje.
“Kam folur me Hysajn pas dështimit për t’u kualifikuar në Champions League vitin e kaluar dhe atë barazimin me Veronën. Ai u përgjigj se kishin frikë, se ekipi ishte goditur nga presioni. Në ndeshjen e djeshme (ndaj Milanit), mendoj se pashë të njëjtën frikë”, ka deklaruar Edi Reja./Halit Delibashi-Sport Ekspres/