Redi Jupi ka bërë një analizë të Partizanit pas shkarkimit të Franko Lerdës. Theksi është vendosur prej kohësh se trajneri italian nuk e meritonte ekipin e të kuqëve, ose më mirë se nuk ishte trajneri i duhur. Por tani është vërtetuar me shkarkimin nga presidenti Demi. Në analizën për Procesi Sportiv, Jupi ka thënë:
“Lerda ishte gabim që erdhi dhe gabim që iku. U largua dy ndeshje para mbylljes së kampionatit. Cfarë do të thotë kjo? Shikoni në situata të mira të gjithë e bëjnë menaxhimin për të ngritur trofe dhe Kupa, por problemi është ta bësh ktë gjë në kriza, aty duket menaxhimi. Unë e kam thënë shumë më herët. Nuk e kam ende identitetin e Partizanit. Nuk e di sesi luan, mund të ma thoni ju? Pra a është një ekip që rri në mbrojtje, që rri në sulm, që tenton nga krahët?”, ka thënë Jupi. /Sport Ekspres/