Sulejman Starova u shpreh para nisjes së kampionatit shqiptar se Laçi kishte si objektiv të fitonte Superioren. Një stekë e lartë u vendos për kurbinasit, që kishin një konkurrencë të madhe nga skuadrat e tjera dhe duke u parë me skepticiziëm sa i përket këtij aspekti.
Me nisjen e kampionatit gjithçka u vërtetua, teksa ekipi ishte në zonën e ftohtë dhe po zhgënjente shumë në rezultate. “Shikoni, historia për kampion ishte vetëm motivuese për lojtarët, që të shihnim për sa më lartë, po nuk është objektivi ynë aty. Ne duhet të shohim si gjithmonë”, do të shprehej Starova.
Pas largimit të tij për rezultatet e dobëta erdhi në krye Armando Cungu. Skuadra ishte e njëjta dhe pa asnjë ndryshim, pasi nuk kishte merkato të hapur gjatë kësaj periudhe të ndryshimeve sa i përket trajnerëve. Gjithsesi, fytyra e Laçit ndryshoi rrënjësisht dhe tashmë është afër kreut. Në emisionin “Pressing”, Starova i rikthehet temës së vjetër: “Kur thoja unë që Laçi është për kampio, nuk më besonte njeri. Madje nisën edhe të më ironizonin nja dy opinionistë”. /Sport Ekspres/