Reali i Madridit po planifikon goditjen në merkato, për ti rrëmbyer Totenhamit yllin e skuadrës. “Los Blancos” janë gati të paguajnë 67,5 milionë euro për portierin Hugo Loris.
Kapiteni i Francës kampione të botës është objektivi kryesor i madrilenëve, të cilët kërkojnë zëvendësuesin e Kejlor Navas.
Burime pranë Loris kanë bërë të ditur se “gardiani” është i hapur për transferimin në Spanjë, megjithatë nuk ka ndërmend të detyrojë klubin ta shesë. Për portierin, tashmë madrilenët duhet të gjejnë akordin me “Spurs”.
Negociatat nuk do të jenë të thjeshta, sepse presidenti i Totenhamit, Daniel Levi nuk tërhiqet lehtë nga pretendimet fianciare. Bosi i londinezëve kërkon që në rast të shitjes së Loris, çmimi të jetë i përafërt me transferimin rekord prej 75 milionë euro të Alison te Liverpuli.