“Qytetërimi i Korçës i jep hapësirë të bëjë gjithçka”, Gega kritika të forta arbitrit: Hera e dytë që na e bën, ta shihte në VAR që mos ta vr.iste ndërgjegja

Një situatë paradoksale është ajo që po ndodh me Kastriotin në këto javë të fundit. Krutanët po kërkonin pikë për të mbijetuar në Superiore, por tani e shohin veten shumë afër Europës. Vetëm gjashtë pikë është diferenca e tyre me vendin e tretë, Kukësin, ndërsa me këtë ritëm është më shumë sesa i arritur një objektiv i ri i tillë. Ekipi i Celës ka arritur që të mund sërish Tiranën, në shifrat 0-1. Bardheblutë ktheheshin pas shumë kohësh në shtëpinë e tyre, Selman Stërmasi, por shtëpia i ishte kthyer në një vend të huaj. Kryesuesit ishin shumë larg performancave të gjatë gjithë sezonit, teksa goli i Onanugës vendosi rezultatin që në minutën e 16. Tirana bëri shumë pak për të barazuar, për të mos thënë asgjë.

Nga krahu tjetër Teuta ka arritur të fitojë në transfertën me Dinamon. Goli i vetëm do të vinte në minutën e 56 nga Hebaj. Gjithcka erdhi nga një gabim fatal i Simonit, që me sigurinë e tepruar në mbajtjen e topit, djallosi gjithçka duke i shkaktuar humbjen kryeqytetasve. Ndërkohë ndeshja mes Skënderbeut dhe Egnatias përfundoi ën shifrat 0-1. Korcarët duhet të luanin që në minutën e 31 me 10 lojtarë pasi VAR ndëshkoi me karton të kuq Elvi Berishën, që zgjodhi të ndërhynte me gërshër ndaj kundërshtarit të tij. Për të vendosur ndeshjen mendoi Demir Imeri me ekzekutimin e një goditje dënimi në stilin Alban Meha, që gjeti fundin e rrjetës. Më poshtë gjeni intervistat e trajnerëve për “Supersport”:

Gega (Skënderbeu): “Jam munduar t’i marr të gjithëve 100%, pavarësisht se kanë qenë problematikat. Por gjëja që më rëndon dhe më bën që vërtetë të ndjej keqardhje është arbitrimi. Jam munduar që asnjëherë të mos merrem me arbitrimet, por besoj se çdo gjë e ka një limit. Është hera e dytë që i njëjti person, i njëjti arbitër, vjen në Korçë dhe vendos sipas dëshirës. Unë nuk mund ta paragjykoj nëse është pa dashje, por kur ke edhe VAR-in, kur ke ndihmës rreth e rrotull, për mirësi dhe për korrektesë që të mos e vr.asi ndërgjegja, të shkonte ta shikonte. Sepse te rasti i penalltisë pa e parë me lojtarët ka thënë që është me dorë, por ishte mbrojtësi i shtritë. Megjithatë gjërat nuk kthehen mbrapsht. Nesër mund të dali penallti, por gjërat kanë mbaruar.

Përgjegjësinë e unë mbaj si trajner i ekipit dhe nuk ia hedh njeriut fajin. Por nuk e di këta që arbitrojnë, që quhen gjyqtarë, duhet të jenë pak me shtyllë kurrizore. Unë kthehem mbrasht, para një jave kemi luajtur me Partizanin dhe pretenduam për penallti. U tha në të gjitha mediat që ishte penallti, por vashdoi e njëjta gjë. Vazhdoi deri në ditën e sotme. Nuk desha ta bëj live por do i them nja dy llafe. Ky person që ishte sot, ishte edhe me Kukësin. Nuk pranoi të shkonte në VAR. Qytetërimi i Korçës duket se i jep hapësirë të bëj gjithçka. Kurse në vende të tjera që ju i dini, sepse Shqipëria është e vogël, nuk guxon ta bëjë”.

Vanoli (Dinamo): “Që kur kam qenë këtu përpiqemi të luajmë, por për fat të keq penalizohemi nga këto gabime individuale. Më vjen keq për djemtë, sepse po punojnë dhe stërviten shumë mirë. Por nuk po arrijmë të marrim kënaqësi nga rezultatet. Besoj deri sa matematikisht nuk jemi të dënuar. Më vjen keq për kartonin e kuq, sepse mund të evitohej. Ishte për të verdhë. Do të vazhdojmë të përpiqemi me seriozitet. Kemi edhe lojtarë të rinj në fushë. Është mëse normale që lojtarët e rinj përballen me këto lloj gabimesh. I dija vështirësitë me të cilat do të përballesha. Besoj akoma se mund të shpëtojmë. Por kam ardhur këtu për një projekt të gjatë, për të ndryshuar çdo gjë negative që ishte më përpara. E vetmja gjë negative për momentin është rezultati. Nuk më ka ndodhur në karrierën time një situatë e tillë. Edhe për mua është diçka për të mësuar dhe për të nxjerrë konkluzione”.

Kuli (Kastrioti): “Në çdo ndeshje kemi qenë me këmbë në tokë. Kundërshtori ka qenë i fortë. Ka treshen e sulmit më të mirë sot në Shqipëri. E kërkuam golin, falë Zotit na doli. Mendoj që ne më shumë kemi lu.ftuar deri tani për mbijetesën, për gjëra të tjera nuk e kemi ne në dorë. E ka Zoti lart. Objektiv kemi mbijetesën dhe atë e arritëm”.

Arapi (Teuta): “Jam i kënaqur, aq më tepër për pozitat ku jemi. Ne e kishim përgatitur lojën me dy sulmues. Normalisht mund të bëjmë më mirë. Por me rastet e krijuara sot, jam i kënaqur. Mos të harrojmë që defekti jonë kryesor ka qenë pësimi i golava, por në këto tre ndeshje kemi përmirësuar gabimet individuale. Në këto pozita që jemi nuk dihet se çfarë mund të bëhet. Me një humbje mund të shkojmë në play out, por me një fitore kundër Kukësit mund të afrohemi me vendin e katërt. Primare është të shmangim zonën e play out-it”.

Shehi (Tirana): “Humbja është humbja, të mërzit, por duhet të komplimentoj kundërshtarin. E pësuam lehtë golin dhe kjo ta vështirëson mënyrën e lojës. Rivali mbrohet me shumë forca dhe të lë pak hapësira. Duheshin pasime të shpejta dhe fusha nuk ta lë këtë mundësi. Nuk duhet të gjejmë alibi për mungesat. Kastrioti qëndron 17 metra larg portës së tyre, meriton komplimente për mënyrën sesi qëndron rigoroze në detyra. Na është kthyer si mace e zezë, por ndikon edhe fusha, nëse do të luanim në Air Albania do ishte histori tjetër”.

Leave a Reply

Your email address will not be published. Required fields are marked *

where can i buy doxycycline over the counter buy doxycycline online