Reali i Madridit dëshiron Kilian Mbapenë për të zëvendësuar Karim Benzemanë. Gjigantët spanjollë janë hedhur në sulm për të transferuar francezin dhe PSG-ja ka dhënë dritën jeshile për 200 milionë euro dhe 60 milionë të tjera bonus. Por situata ndërlikohet nga vetë Kilian Mbape dhe etja e tij për më shumë para.
Sulmuesi i PSG-së pranon të largohet këtë verë vetëm nëse parisienët i paguajnë 150 milionë eurot që do të përfitonte në sezonin e ardhshëm. Në të kundërt, siç raporton “Marca”, ai do të qendrojë në Paris dhe do të nënshkruajë një parakontratë me Realin e Madridit në janar. Për firmosjen e kësaj kontrate do të kërkojë edhe 100 milionë euro bonus nga klubi i njohur spajoll./Halit Delibashi-Sport Ekspres/