Në futboll dihet botërisht që ndeshja zgjat 90 minuta, por shpeshherë ka vonesa dhe futbolli që luhet është shumë herë më pak. Loja efektive që luhet, zakonisht shkon afërsisht 45-55 minuta. Fundjavën e kaluar në Angli u luajt ndeshje midis Kardif dhe Bërnlej, e vlefshme për Premier Ligë.
Pikërisht në këtë ndeshje loja efektive e luajtur u ndal në 42 minuta e 2 sekonda. Një minutazh me të vërtetë shumë i vogël. Shkak i kësaj u bënë vonesat gjatë sfidës, por edhe rivëniet anësore që skuadra e Kardif zhvillonte. Në total ishin plot 8 minuta, vetëm duke pritur rivëniet anësore që kryente Sean Morrison, lojtar i Kardif.
“The Times” ka deklaruar se, së fundmi bordi kombëtar i futbollit (IFAB), po shikon për një zgjidhje, për sa i përket këtyre vonesave dhe lojës efektive. Ideja më e fundit është futja e një arbitri, posaçërisht për stopimin e kronometrit të ndeshjes gjatë kryerjes së rivënieve anësore, goditjeve nga këndi dhe rivënieve fundore.
Një ide që do të ndryshonte shumë gjëra në futboll. Shoqata do të mbajë takimin e radhës në muajin mars të vitit të ardhshëm në Skoci, ku pritet të diskutohet për këtë çështje dhe për ndryshimet që mund të bëhen.