Teuta ka zhvilluar takimin e dytë miqësor në Bansko të Bullgarisë. Skuadra e Bledi Shkëmbit është mundur 2 – 1 nga Botev Vratsa, ekip ky që militon në ligën e parë bullgare. Ekipi bullgar ka shënuar i pari në minutën e 10-të me Valçev.
Teuta baraspeshon rezultatin me Prognin, i cili tregohet saktë në ekzekutimin e një 11-metërshi. Pjesa e parë u mbyll me rezultatin e barabartë 1-1. Në të dytën bullgarët gjejnë sërish avantazhin me anë të Masedos.
Ai goli përkoi edhe me të fitores për skuadrën bullgare. Në skuadrën kundërshtare ndodhej një njohje e vjetër e Superiores, ish-mbrojtësi i Tiranës, Martin Kavdanski. Durrsakët do të qëndrojnë në Bullgari edhe disa ditë, për t’u bërë gati për ndeshjen e parë të Europa League me Ventspils.
Botev Vratsa 2 – 1 Teuta
Shënues: Valçev, Masedo / Progni (pen)