Shqipëria ishte një nga mundësitë që të priste finalen e Kupës së Greqisë mes AEK dhe Paok. Për shkak të situatës së ndezur të tifozëve, kjo ndeshje është menduar që të lihet jashtë territorit grek. Shumë është përfolur për Air Albanian, por këtë mundësi duket se e ka prishur këngëtari grek, Nikos Vertis.
Ky i fundit do të mbajë një koncert në Air Albania në datën afër ndeshjes dhe për këtë arsye është e pamundur që finalja e Kupës së Greqisë të zhvillohet në kryeqytetin tonë. Shqipëria është treguar e gatshme të mirëpres këtë finale në rast se do të ndryshohet data e takimit të AEK-Paok, por kjo ka pak gjasa që të ndodh. /Sport Ekspres/