Trajneri i Milanit ka gëzuar të gjithë tifozët kuqezinjë para derbit në Champions League kundër Interit. Pioli është shprehur se Leao mund të luajë nga minuta e parë në ndeshjen me zikaltërit. Ylli i Milanit u dëmtua kundër Lacios dhe fillimisht u raportua se rikthimi i tij ishte i pamundur për ndeshjen e parë gjysmëfinale të Champions.
“Ne e dimë se kush jemi, nga vijmë dhe ku duam të shkojmë. Lojtarët kanë shumë besim, kemi kaluar disa eksperienca negative që na kanë rritur. Kemi kaluar disa ekipe të forta për të ardhur deri këtu, Totehemin dhe Napolin. Leao? Nëse do të jetë mirë, do të jetë në fushë, nëse jo, qëndron në stol. Ne nuk duam të rrezikojmë, kualiteti i këtij lojtari duhet të jetë në 100% e tij”, tha Pioli. /Sport Ekspres/