Vaksinimi shihet si e vetmja mënyrë për të shpëtuar përfundimisht nga pandemia e COVID-19. Për rikthimin e tifozëve në stadium, kjo është e vetmja zgjidhje për t’u rikthyer normalitetit. Megjithatë Premier League nuk e ka nisur aspak mirë planin për fillimin e kampionatit, pasi disa lojtarë kanë refuzuar kategorikisht të vaksinohen kundër COVID-19.
Sipas “The Sun” federata angleze e ka bërë të qartë se nëse një prej lojtarëve të një skuadre del pozitiv, atëherë e gjithë skuadra do të duhet të izolohet. Refuzimi i futbollistëve për tu vaksinuar, mund të vinte në rrezik fillimin e Premier Ligës, e cila do të nisë të premten e ardhshme. /Elio Hajdari-Sport Ekspres/