Në Kuçovë aktualisht ka një çështje rrogash, dhe në një situatë të tillë që ka sjellë edhe pakënaqësi tek futbollistët vendas dhe ata jabanxhinj, kërkohet ndërhyrja urgjente e Bashkisë për të zgjidhur këtë problem serioz. Madje, nuk është çudi që ana financiare të ketë qenë edhe faktori kryesor që jabanxhinjtë u larguan të gjithë nga Naftëtari edhe pse ishin titullarë.
Të gjithë janë në pritje të lëvizjeve të Bashkisë, e cila duke qenë se është edhe financuesja e vetme e Naftëtarit, do të duhet që të gjejë modalitetet e duhura për të vepruar sa më shpejt me likuidimin e detyrimeve ndaj futbollistëve, dhe jo të pres çeljen zyrtare të buxhetit të vitit 2018.
Nga ana e kryebashkiakut të Kuçovës, Selfo Kapllani, pritet që të veprohet me urgjencë për likuidimin e futbollistëve, pasi nga dira e sotme skuadra do të nis përgatitjet për takimin e radhës në kampionat ndaj Apolonisë. Financat kanë bërë që edhe merkato të jetë “mollë e ndaluar” për kuçovarët!
Edi Spahiu