Paga të prapambetura, titullarët e Shkumbinit bojkotuan miqësoren

0

Që në javën e parë të janarit 2018, ekipi i Shkumbinit i është rikthyer punës në fazën përgatitore të dimrit. Problematikat e hasura në pjesën e parë të kampionatit i ka detyruar në tërësi drejtuesit peqinas të kërkojnë më shumë në këtë fazë përgatitore për të ndërtuar një ekip që të arrijë të dalë nga momenti i vështirë dhe të garantojnë qëndrimin në Kategorinë e Parë. Kujtojmë që Bashkia e Peqinit e rriti buxhetin për futbollin.

Problematika – Mirëpo, kjo situatë e ndërtuar me kujdes në kornizën e organizimit nuk duket të jetë plotësisht bindëse për një pjesë të mirë të lojtarëve bazë në këtë ekip. Viti i kaluar u mbyll me disa pakënaqësi të justifikueshme nga lojtarët peqinas të cilët përpos pagës nuk mundën të shijojnë asnjë dhuratë për festat e fundvitit. Si për ta harruar paksa vitin që u la pas, drejtuesit e klubit premtuan se ky vit do të jetë më i mirë financiarisht. Kujtojmë që për mos marrjen e pagave, disa nga lojtarët titullarë dhe jo vetëm, nuk kanë udhëtuar me ekipin drejt Elbasanit ditën e shtunë në miqësoren e humbur me rezultatin 3-1. Kjo mund të jetë shkëndija e parë që lojtarët mund ta përshkallëzojnë deri në prag të sfidës ndaj Tiranës, duhet që drejtuesit të reagojnë para se situata të mos ketë dot zgjidhje.

Lulëzim Resuli

You might also like
Leave A Reply

Your email address will not be published.