Finalja e madhe e Europa Ligë do të luhet mes Arsenalit e Çelsit dhe është caktuar prej kohësh që do të zhvillohet në Baku, kryeqyteti i Azerbajxhanit.
Që në momentin që është caktuar Baku si pritës i finales, tek Arsenali është diskutuar gjithmonë prezenca e Henrik Mkitarjan, pasi ky i fundit është armen dhe Azerbajxhani e Armenia janë në konflikt prej kohësh.
Në momentin që Arsenali siguroi pjesëmarrjen në finale, në UEFA dhanë garanci që do të bëhej gjithçka që Mkitarjan mos ta humbiste finalen, por me sa duket diçka e tillë nuk ka ndodhur.
OFFICIAL: Arsenal have confirmed Henrikh Mkhitaryan will not be travelling with the Arsenal squad for the Europa League final against Chelsea in Baku due to security concerns. pic.twitter.com/vjDjrOEPUk
— Squawka News (@SquawkaNews) May 21, 2019
Ditën e sotme, klubi londinez ka njoftuar se Mkitarjan nuk do të jetë pjesë e ekipit që do të udhëtojë për finalen e madhe, për arsye sigurie. Mungesë e madhe për ekipin e Emeris.