Stadiumi “Zeqir Ymeri” ka marrë trajtën e tij përfundimtare, teksa është shtruar edhe tapeti i fushës. Presidenti i Nderit Safet Gjici ka bërë të ditur dëshirën e tij për ta inaguruar “shtëpinë e re” të skuadrës në përballjen e rëndësishme me Tiranën, e cila do të luhet në datën 20 nëntor. Gjithnjë nëse fusha do të ketë arritur nivelin e duhur për të zhvilluar ndeshje.
Ndërkohë vetë kryeministri i Shqipërisë, Edi Rama, ka shpërndarë ditën e sotme pamje nga “Zeqir Ymeri”. Ndërtimi i këtij stadiumi sipas standarteve dhe kushteve të UEFA-s ka qenë një projekt i përbashkët mes klubit, FSHF-së dhe Qeverisë, që kanë dhënë investimin e tyre./Halit Delibashi-Sport Ekspres/