“Premier League në futboll si NBA në basketboll”! Thomas Strakosha zbulon: Më kërkuan në Greqi, po pres ndeshjet e Shqipërisë

Thomas Strakosha do të kalonte te Brentford pas mbylljes së kontratës me Lacion. Një ëndërr e vjetër që u realizua për gardianin shqiptar. Gjithmonë e kishte shprehur në intervistat e tij, edhe kur ishte pjesë e Lacios, se elita e futbollit anglez është kampionati më i fortë në botë. Tashmë Strakosha është pjesë e tij, me Brentfordin. Në një intervistë për median greke “Bnsport”, portieri i Kombëtares ka zbuluar se ka pasur interes edhe nga Greqia gjatë kësaj periudhe.

“Për mua, Premier League është po aq e rëndësishme në futboll sa NBA në basketboll. Është thjesht liga më e mirë në botë. Ju keni kaq shumë ekipe ambicioze me aq shumë lojtarë të mirë sa nuk mund të pushoni për asnjë sekondë. Kjo është pikërisht sfida që doja të kisha. Më pëlqen të konkurroj me më të mirët dhe kjo është arsyeja pse erdha këtu. Tani më takon mua të tregoj aftësitë e mia dhe të luaj në nivelin më të lartë të futbollit.

Oferta nga Greqia? Nuk dua t’i përmend skuadrat për respekt për to. Por po, ka pasur interes nga Greqia dhe ekipe të tjera në Evropë. Greqia është vendi ku unë jam rritur dhe sigurisht që ka një kuptim të veçantë për mua. Megjithatë, tani nuk ishte koha e duhur për të nënshkruar atje, por kush e di se çfarë do të ndodhë në të ardhmen. Brentford prezantoi një projekt të mirë, ata më treguan saktësisht pse më donin. Është një klub ambicioz në zemër të Londrës. Mezi po pres sezonin tim të parë këtu.

Sigurisht që Greqia është një vend i veçantë për mua. Unë kam lindur atje, familja ime jeton në Athinë dhe kam kaluar shumë kohë atje gjatë pushimeve verore. Kështu që kam shumë lidhje me Greqinë, por tani jam 100% e fokusuar te Anglia, në Brentford, në Premier League dhe sigurisht në sfidat e radhës me Kombëtaren Shqiptare”, tha Strakosha. /Sport Ekspres/

Leave a Reply

Your email address will not be published. Required fields are marked *

where can i buy doxycycline over the counter buy doxycycline online