Neuer e lë shpesh zonën e portës gjatë ndeshjeve dhe këtë e bëri të shtunën në ndeshjen kundër Union Berlin. Portieri me eksperiencë madje u largua dy herë nga vendi i tij, një herë në të dyja pjesët.
Veçanërisht mbresëlënëse ishte dalja e tij në minutën e 87-të, kur pengoi një pasim të thellë dhe të rrezikshëm për kundërshtarët. Neuer arriti që ta ndalte bukur topin me gjoks, ndërsa i larguar rreth 40 metra nga porta, dha një pasim preciz në anën tjetër duke fituar duartrokitjet e të gjithëve. /Elio Hajdari-Sport Ekspres/