Altin Rraklli ishte i ftuar në emisionin “Dribling”, që transmetohet në “Fax News”. Legjenda e Kombëtares ka kërkuar që ekipi të qëndrojë me këmbë në tokë para ndeshjes me Çekinë.
“Silvinjo e ka ndryshuar Shqipërinë, kjo vihet re. Kemi një lojtar si Jasir Asani, më kujton Robben. Por duhet të jemi me këmbë në tokë para Çekisë.
Më falni që po e them kështu, por nëse polakët “i mbushën brekët” në Shqipëri, kjo nuk ndodh me çekët, ata do të nxjerrin maskën. Kjo është e gjitha, duhet t’i marrim ndeshjet njëra pas tjetrës.
Çfarë prisni t’ju them? Të thotë trajneri që do luani para direkt çuna që të fitojmë dhe t’i shënojmë gol Çekisë? Jo, duhet ta marrim qetë”, tha Rraklli. /Sport Ekspres/