Kanë përfunduar dy ndeshjet e pasdites së sotme të vlefshme për janën e 28 të “Abissnet Superiores“. Partizani ka përmbysur Teutën, duke e mposhtur me rezultatin 2-1. Kampionët në fuqi të kampionatit shqiptar gjetën të parët golin me anë të Ivanoviçit, por më pas Skuka dhe Bitri kthejnë gjithçka përmbys.
Të kuqtë shohin gjithnjë e më pranë Europën, teksa tashmë vetëm 4 pikë i ndajnë nga Kukësi i vendit të tretë. Ndërkohë Tetua zhytet në vorbullën e “play out“-it, pasi aktualisht numëron vetëm 32 pikë të grumbulluara, 1 më shumë se Kastrioti dhe Egnatia.
Në krahun tjetër Vllaznia dhe Laçi janë ndarë në paqe nga “Loro Boriçi“. Sfida mes tyre është mbyllur në barazim 0-0, me Shpëtim Duron kthehet të marrë një pikë pas zyrtarizimit në pankinën e kurbinasve. Pas përfundimit të takimeve, trajnerët kanë dhënë intervistat e tyre për “Gol pas Goli” në “Supersport”.
Arapi (Teuta): “Deri në golin tonë Partizani nuk kishte asnjë rast. Edhe goli i tyre erdhi nga goditja standarte. Po të mos quhej gol i rregullt ai gol, ndoshta do flisnim ndryshe. Për ne prandaj e përgatitëm ashtu ndeshjen, sepse forca jonë reale ajo është. Është hera e dytë, se pavarësisht gjendjes së rëndë që po kalojmë, edhe këto goditjet nga arbitrat ndikojnë edhe te morali, edhe te ana psikologjike. Vendimet e arbitrave? Janë momente kritike për ekipin tonë, sepse janë momente që mund të ndryshojë rrjedhën e kampionatit. Është e vërtetë që kemi pasur oshilacione gjatë kampionatit. Ëshë në Shkodër, në rastin e faullit, që nuk ishte faull aspak, që mund të shkonte loja 3-3, po ashtu edhe sot. Goli i dytë i Partizanit? I qendroj mendimit që ishte offside. Në momentin që lojtari i Partizanit ka qenë offside, nuk ka rëndësi, sepse eshtë në dylu.ftim lojtari i Partizanit dhe lojtari i Teutës dhe nuk ka rëndësi kush e kap dhe kush e çon në rrjetë. Edhe sikur ta ketë prekur Lorenco (Vila) është pozicion jashtë loje“.
Mehmeti (Partizani): “Fillimisht dua të përgëzoj lojtarët për karakterin që treguan sot. I falenderoj për shpirtin e garës. Por jam pjesërisht i pakënaqur. Kemi pësuar nga goditjet standarte, ku duhet të ishim më të përqendruar. Gjatë gjithë kohës kam qenë i përqendruar ti injektoj skuadrës mentalitetin e duhur. Partizani duhet të respektojë patejtër veten. I jemi afruar shumë Europës dhe duhet të luf.tojmë në të dyja krahët“.
Plori (Vllaznia): “Në ndeshje të tilla kur të jepen ato raste, po nuk i shënove është e vështirë të fitohet ndeshja. E tillë ishte situata edhe sot. Performanca nuk ka qenë në nivelin e duhur, flas për kampionatin, pasi në Kupë ka qenë një histori tjetër. Presioni i rezultatit në Shqipëri ndihet më tepër. Nuk merret me aq sportivitet sa në shtetet e tjera. Unë jam i mendimit se siç na ndodhi me Kastriotin, në minutat e fundit ra pak kapaciteti i lojtarëve. Bitri është një lojtar i Partizanit, ai është rikthyer në shtëpi. Skuka është një lojtar i fituar. Jam gjithmonë kërkues ndaj tij. Jo vetëm për pjesën e golit, por edhe mënyra si impenjohet me skuadrën duhet të jetë më e lartë. Por vjen nga Kategoria e Parë dhe intesiteti këtu është më i lartë“.
Duro (Laçi): “Si fjalë të parë them se jam i kënaqur me paraqitjen e sotme. Ata që luajtën e justifikuan veten. Kemi kontigjent të mirë futbollistësh. Jam i shqetësuar, sepse kemi ndeshje të vështirë të mërkurën. Sot barazimi ishte shumë, shumë me vlera. Ndaj një kundërshtari direkt do ishte ideale fitorja, ishte mundësia. Nuk kam çfarë të ndryshoj, sepse sot pashë një skuadër që veproi ashtu siç kishim punuar në këto 2-3 ditë. Vllaznia është një skuadër me shumë potencial, pavarësisht vendit ku ndodhet. Si u zbuta për rikthimin te Laçi? Nuk ishte zbutje. Arritëm rezultate historike në Europë. Ndërtuam skuadrën gjatë verës. Pati një problem, pasi prishëm bashkëpunimin. Është skuadra e ndërtuar prej meje gjatë verës, kjo ishte arsyeja që unë u riktheva në këto momente. Për mua është pozitive, sepse rikthimi është vlerësim nga drejtuesit, të cilët pasi provuan 2 trajnerë më zgjodhën përsëri mua. “./Halit Delibashi-Sport Ekspres/