Orges Shehi ka bërë një punë të jashtëzakonshme te Tirana në këtë vit. Diferenca me kundërshtarët është e madhe, ndërsa për herë të parë pas shumë vitesh, tifozë dhe figura të shquara të Partizanit e pranojnë se rivalët e tyre të përjetshëm e meritojnë titullin kampion. Për të arritur deri këtu, nuk është pak.
Në emisionin “Ora Sport” ishte e ftuar edhe Olta Sheta, “showgirl” dhe sipërmarrëse e cila është mbështetëse e Partizanit. Por kur flitet për titullin kampion, sigurisht që nuk mund të kishte dyshime. “Jam tifoze e Partizani, nuk e mohoj, meritat nuk ja heqim Tiranës. Sido që ta shikojë, me syze dielli apo jo, Tirana është kampione e këtij viti, nuk ka se kush e kap”, tha Olta Sheta. /Sport Ekspres/