Arbitrimi shqiptar do të shkojë në një tjetër nivel. Për të parën herë në histori, një arbitër shqiptar do të ndajë drejtësinë në grupet e Champions League-s. UEFA i ka besuar gjyqtarëve të “Abissnet Superiore”-s ndeshjen mes Young Boys-it dhe Leipzig-ut.
Enea Jorgji do të jetë arbitri kryesor në këtë përballje, e cila do të luhet më 19 shtator, duke nisur nga ora 18:45. Në rolin e gjyqtarëve anësorë do të jenë Denis Rexha dhe Ridiger Çokaj. Ndërkohë, Florian Lata do të kryejë funksionin e arbitrit të katërt./Halit Delibashi-Sport Ekspres/