Në ditën e sotme është hedhur edhe shorti i Botërorit. Si për ironi të fatit kemi një përsëritje të duelit mes Serbisë dhe Zvicrës. Pikërisht ndeshja që ishte për t’u evituar pas festimit me shqiponjë të Granit Xhakës dhe Xherdan Shaqirit në përballjen e fundit mes këtyre dy Kombëtareve.
Një ndeshje që do të rivihet edhe njëherë tjetër në skenë. Për ata që e pëlqejnë futbollit në tryezën e gjeopolitikës, do të ketë edhe një tjetër përballje të ndezur të këtij lloji. Në grupin B do të kemi duelin mes Iranit dhe Amerikës, kur dihen marrëdhëniet mes këtyre dy shteteve. /Sport Ekspres/