Nëntëdhjetë minutat finale për të luajtur me Luftëtarin dhe për të lënë gjurmën e fundit në Gjirokastër. Ndoshta me një gol përballë Ventspils në Europa League, pasi kualifikimi është mision i pamundur tashmë.
Më pas Dejvi Bregu do të niset për në Korçë, aty ku e presin prej fundjavës së ardhshme. Pikërisht 22-vjeçari do të jetë ylli i ri i Skënderbeut, që e ka blerë që në janar.
Bregu është pasardhësi ideal i Enis Gavazajt, i cili do të vazhdojë karrierën në Rusi. Vlonjati do të projektohet si shitja e madhe e radhës. Një traditë që nuk do të ndërpritet, në gjurmët e Berishës, Latifit dhe së fundmi Gavazajt.
Dejvi Bregu te Skënderbeu do të ngrihet në nivelin e tyre, kryesisht për vlerën në merkato. Në anën tjetër, korçarët sigurojnë cilësi për sezonin e ri dhe një tjetër yll që do të mbushë arkat e klubit.
Mesa di une D. Bregu edhe origjinen e ka nga Korça. Sidoqofte ben mire qe ai vete ta sqaroje me ne fund. Nuk eshte keq qe te jete edhe vlonjat. Pak rendesi ka.