Tai Baribo ishte lojtari që i shkaktoi humbjen Shqipërisë mbrëmjen e djeshme. Futbollisti izraelit tundi rrjetën në minutën e 92-të dhe e dërgoi Kombëtaren e tij në Ligën A të Ligës së Kombeve. Baribo ka folur për mediat pas ndeshjes, ku ka ndarë me të gjithë lumturinë që ka ndjerë pas golit të shënuar.
“Një fitore që na ndihmoi të ngjitemi me një nivel. Ne përfunduam në krye të grupit. Nuk ka më argëtim se kaq. Pas golit u ndjeva sikur isha në një lloj ëndrre. Nuk e kuptova ku isha, është lumturia më e madhe”, ka thënë Tai Baribo./Halit Delibashi-Sport Ekspres/