Panuçi surprizon, Llullaku projektohet si pykë e fshehur

0

 

Trajneri ka bërë eksperimentet e radhës, teksa kapiteni Agolli do ta nisë nga minuta e parë. Mbrojtja konfirmohet në bllok. Mesfushë fizikë dhe teknike, ndërsa Grezda spostohet si i majtë

Anton Cicani

Kristian Panuçi ka vijuar fazën eksperimentale, teksa mbrëmjen e djeshme ka provuar një formacion anti-Lihtenshtejn. Bëhet fjalë për konfirmime, por edhe risi, si Abrashi dhe Llullaku, që fillimisht nuk mendoheshin titullarë. Berisha do të marrë vendin në portë, pas dy mungesash, teksa në mbrojtje do të jetë Hysaj dhe Agolli në krahë, me Gjimshitin dhe Mavrajn në qendër, pasi Lihtenshtejni do të luajë me topa të gjatë dhe ndoshta goditje standarde. Sakaq, pritet mesfushë fizike, por edhe pak teknike. Basha do të veprojë përpara mbrojtjes, me në krah i mbuluar nga Abrashi dhe Memushaj, i cili do të ketë të bëjë me Eros Grezdën, si mesfushor i avancuar, në krah të majtë (roli i tij është i djathtë). Sakaq, Roshi do të veprojë në krahun tjetër, pra i djathtë. Në qendër, pyka do të jetë Llullaku, edhe pse më shumë si një falso 9, pra një sulmues pykë i fshehur.

Pjesa e dytë – Megjithatë, nëse gjithçka shkon mirë, pritet që në pjesën e dytë, trajneri Panuçi të hedhë në fushë Valon Ahmedin, si debutues, por edhe Liridon Latifin dhe ndoshta në krah të majtë të mbrojtjes edhe Memollën. Sakaq, Ivan Balliu duket ende larg pritshmërisë, të paktën kështu është shfaqur në kombëtare.

 

Formacioni i mundshëm i Shqipërisë (4-3-3)

Berisha

Hysaj Gjimshiti Mavraj Agolli

Abrashi Basha Memushaj

Roshi Llullaku Grezda

Axhenda

Stërvitja dhe konferenca e Panuçit nga Elbasan Arena

Kristian Panuçi ka vendosur programin për ditën e sotme. Kombëtarja do të udhëtojë në drekë drejt qytetit të Elbasanit, për t’u akomoduar në hotel, teksa pasdite, në orën 18:30, Kristian Panuçi do të dalë përpara medieve. Në orën 19:00, do të jetë radha e seancës së fundit stërvitore, teksa përpara kombëtares kuqezi do të stërvitet ekipi i Lihtenshtejnit, që mbërrin gjithashtu sot.

 

Frika

Federata maqedonase kërkon emrat e tifozëve shqipta

Ndeshja e ditës së martë, në Strumica, mes Maqedonisë dhe Shqipërisë, paraqet rrezikshmëri të lartë dhe tension, ndaj federata maqedonase e futbollit i ka bërë thirrje FSHF-së që sa më shpejt të dorëzojë emrat e tifozëve që do të udhëtojnë në këtë transfertë të largët. Janë shitur të gjitha 450 biletat në dispozicion, për sfidën në stadiumin “Mladost”.

 

 

 

You might also like
Leave A Reply

Your email address will not be published.