Java e fundit e Premier League-s dhuroi emocione të forta për tifozët e Manchester City-t dhe ata të Liverpool-it. Sot u vendos edhe çështja e titullit kampion, me “qytetarët” që përmbysën nga 0-2 në 3-2 rezultatin përballë Aston Villa-s.
Kornometri shënonte minutën e 81-të kur ekipi i Guardiolës shënoi golin që i solli titullin kampion. Festë në Manchester, por trishtim dhe lot në Liverpool. Tifozët e të kuqve ishin me telefonat nëpër duar duke parë shifrat e përmbysjes së City-t, çka solli edhe hidhërimin e tyre. Kamerat kanë kapur edhe një tifoz të vogël të Liverpool-it, që ka shpërthyer në lot pasi ka mësuar rezultatin e “qytetarëve”./Halit Delibashi-Sport Ekspres/