Nuk lejohen në shkallët e stadiumit, megjithatë tifozët e Tiranës kanë treguar besnikërinë e tyre të palëkundur dhe nuk e kanë lënë vetëm skuadrën edhe pas rikthimit nga ndërprerja e gjatë. Mbështetësit bardheblu kanë qenë në ndërtesat përreth stadiumit “Niko Dovana“ një javë më parë për të brohoritur dhe për të motivuar nga afër ekipin e zemrës.
Pamjet e tifozëve kryeqytetas kanë bërë jehonë edhe jashtë kufijve të Shqipërisë. Është faqja e njohur e dedikuar ultrasve të futbollit, e quajtur “Ultras-tifo.net“, e cila ka shpërndarë imazhet e tifozëve të Tiranës nga ndeshja me Teutën. “Nuk lejohen tifozët? S’ka problem“, shkruan bashkangjitur fotove faqja e njohur, që i jep jehonë spektaklit të dhuruar nga bardheblutë një javë më parë./Halit Delibashi-Sport Ekspres/
