Florent Hasani arriti që të realizonte që në sekondën e 27 kundër Aik. Në atë transfertë Shkëndija e Tetovës doli me rezultatin positiv, pasi barazoi me shifrat 1-1. “Buba” do të shënonte pa nisur mirë takimi duke përfituar nga gabimi i vendasve në mbrojtje.
Tashmë ky futbollist ka hyrë në historinë e Conference League me golin më të shpejtë që është shënuar në këtë turne. Fredy Drujif i Rapidit e mbante këtë rekord pasi kishte shënuar ndaj Viteshes pas vetëm 32 sekondash. Ndërkohë Hasani ka qenë pjesë e Partizanit më herët, por nuk kishte hapësira për të në fushën e blertë me Ilir Dajën. /Sport Ekspres/