Neymar zbuloi planet e tij për të ardhmen në podcast-in “Fenomenos”, ku shprehu dëshirën për të luajtur në MLS pas kontratës me PSG-në. Kjo për faktin se në SHBA ka mundësinë për të bërë tre muaj pushime. Por një deklaratë e tillë nuk i ka pëlqyer aspak Don Garber-it, i cili ia ka bërë të qartë brazilianit se nuk ka për të ardhur në MLS për t’u pensionuar nga futbolli.
“Ne nuk kemi nevojë të sjellim një lojtar me emër në fund të karrierës së tyre, sepse ata vendosën se duan të pensionohen në MLS. Ne duam që historia jonë të jetë rreth lojtarëve të rinj që vijnë këtu në fazat më të hershme ose në kulmin e karrierës së tyre dhe ta bëjnë ligën tonë ligën e tyre të zgjedhur. Ju keni lojtarë që vijnë në 30 vjeç, nuk mendoj se 30 është i vjetër kur jeni një lojtar i MLS. Kur Ibrahimovic u largua nga Los Angeles Galaxy për AC Milan, askush nuk tha se shkoi të pensionohej në Itali”, ka deklaruar Don Garber./Halit Delibashi-Sport Ekspres/