Kylian Mbappe kërkon të jetë lider i padiskutueshëm te PSG-ja, pavarësisht se pjesë e ekipit është një prej lojtarëve më të mëdhenj që ka njohur historia e futbollit. Megjithatë francezi dëshiron të dalë mbi Messi-n, për të marrë gjithë vëmendjen drejt vetes.
Në një intervistë të dhënë së fundmi, Rooney kritikon sjelljen e sulmuesit të PSG-së. Ish-futbollisti i njohur është shprehur se në moshën e Mbappe-së Messi kishte fituar 4 Topa të Artë, duke nxjerrë në pah diferencat që ekzistojnë mes dy futbollistëve.
“Një lojtar 22-23 vjeçar që i hedh shpatullat Messit… Nuk kam parë kurrë një ego më të madhe se kjo në jetën time. Dikush t’i kujtojë Mbappe-së se në moshën 22-vjeçare, Messi kishte katër Topa të Artë”, ka thënë Wayne Rooney./Halit Delibashi-Sport Ekspres/