“Nuk i dua justifikimet”, trajneri i Partizanit flet për të ardhmen: Jam në dyshim? Pjesë e punës

Trajneri i Partizanit ka folur përpara ndeshjes së rëndësishme që do të ketë ndaj Kukësit. Me një hap tjetër të gabuar, do të shtonte jo pak pikëpyetjet rreth të ardhmes. Deri në këto momente ka pasur shumë kritika për Sormanin, pasi të kuqtë nuk po marrin rezultate në drejtimin e tij. Humbja e fundit ishte ajo ndaj Skënderbeut në shifrat 1-2, por që nga koha e ardhjes së tij dhe largimit të Lerdës është e vështirë që te kryeqytetasit të gjesh dy fitore radhazi. Në raportimin e bërë nga “Supersport”, Sormani ka folur edhe rreth të ardhmes, duke u shprehur se pikëpyetjet dhe paqartësitë janë pjesë e punës së trajnerit kur humbet.

“Na kanë munguar rezultatet, kjo më duket e qartë, por nuk na ka munguar loja, megjithatë nuk mjafton, duhet bërë më shumë. Mendojmë që puna shpërblehet dhe kjo skuadër stërvitet me shumë dëshirë dhe lufton fort. Nuk kemi treguar asnjë mangësi as në aspektin fizik, as në pjesën teknike. Në ndeshjen e fundit patëm raste, krijuam shumë dhe jam i bindur që ky ekip është i aftë të shprehet shumë mirë në fushë. Nuk i kemi vuajtur kundërshtarët, kemi një problem që është psikologjik, në atë aspekt nuk kemi ekuilibra.

Kur je trajner, je në qendër të kritikave. Kur nuk fiton, do të kritkohesh, kjo është puna ime. Nuk dua të humbas kohë, kur më pyesin për futboll jam i gatshëm të përgjigjem pa kërkuar justifikime. Përgjigjem ashtu si unë e lexoj lojën dhe jo sepse ndihem i ofenduar nga kritikat.

Jam në dyshim? E përsëris, kjo është pjesë e punës. Sigurisht që mund të jetë në dyshim e ardhmja, por, e ritheksoj, është pjesë e punës, kur dikush vendos të bëhet trajner, atëherë e kupton dhe këtë aspekt të punës”, tha Sormani. /Sport Ekspres/

Leave a Reply

Your email address will not be published. Required fields are marked *

where can i buy doxycycline over the counter buy doxycycline online