Rei Manaj ka bërë tjetër paraqitje pozitive me Barcelonën B duke luajtur si titullar në përballjen kundër Alcayano. Sulmuesi shqiptar është vlerësuar së tepërmi për performancën e tij dhe sakrificën për grupin, por pa arritur që të shënojë.
Futbollisti kuqezi kishte përgatitur edhe një fanellë të veçantë dhe e kishte gati dedikimin nëse do të realizonte, por kjo dëshirë nuk iu plotësua. Gjithsesi Manaj ka festuar në fundin e takimit pasi Barcelona B fitoi në shifrat 2-1, për t’ia dedikuar suksesin të njohurit të tij, Agron Rumi, që ndërroi jetë disa ditë më parë. /Sport Ekspres/