Antonio Cassano, ka tërhequr vëmendjen mbi vete muajt e fundit duke kritikuar emrat e njohur të futbollit. Në shënjestër të kritikave të tij dikur ishin shumë futbollistë, ndër të cilët një nga trajnerët më të mirë të të gjitha kohërave, Jose Mourinho, si dhe eksperti italian Massimiliano Allegri.
Por kjo nuk është e gjitha, Cassano ka thirrur “në apel” edhe Cristiano Ronaldon, për të cilin beson se nuk është një nga futbollistët më të mirë të të gjitha kohërave. “A shënoi më shumë se 800 gola? Po. A fitoi tituj? Po. Ai është një lojtar vërtet i mirë, por të luash futboll të mirë është një gjë krejtësisht tjetër,” tha Cassano dhe shtoi: “Le të themi se Zidane dhe Iniesta nuk shënuan as gjysmën e golave ??të tij, por ata janë gjeni të vërtetë futbolli”, përfundoi Cassano. /Sport Ekspres/