Më në fund një ditë pa Botëror! Që nga nisja e këtij kompeticioni në Katar, sot është dita e parë ku tifozët nuk do të kenë mundësinë të shohin ndeshjet e këtij turneu që po vjen drejt fundit.
Por dita e sotme do të jetë sërish e mbushur për tifozët shqiptarë pasi luhet Superkupa mes Tiranës dhe Vllaznisë. Kjo Superkupë vjen në një moment të rrallë, me aromë Botërori, por edhe në kohë të pazakontë, pasi luhet në dhjetor.
Dueli do të nis në orën 19:00, me të dyja ekipet që kërkojnë me patjetër fitoren për të mbushur kabinetin e tyre të trofeve. Me interes të lartë pritet që të shihet sesi do të jetë ritmi i lojtarëve në fushë pas pushimeve për shkakun e Botërorit. /Sport Ekspres/