Flamurtari mbush 100-vjeç dhe urimet vijnë nga të gjithë anët për vlonjatët. Mes tyre ishte edhe kreu i FSHF, Armand Duka, që uroj Flamurtarin. Nëpërmjet një postimi në “Facebook”, Duka vlerëson kontributin e dhënë nga ky klub për futbollin shqiptar.
“FC Flamurtari mbush sot 100 vjeç! Një shekull histori e mbushur plot me momente magjike dhe emocione të mëdha. Vlora dhe gjithë Shqipëria krenohen me historinë e lavdishme të djemve kuqezi.
Në këtë 100 vjetor kam kënaqësinë dhe privilegjin që t’i përcjell urimet më të mira në emër të Federatës Shqiptare të Futbollit dhe emrin tim personal.
I urojmë klubit legjendar të futbollit shqiptar sa më shumë suksese dhe rezultate pozitive në këtë shekull të ri që po nisin sot!”, përfundon urimi i kreut të futbollit shqiptar”, shkruan Duka. /Elio Hajdari-Sport Ekspres/