“Një përqafim për shqiptarët”, premtimi i Kristjan Asllanit para Spanjës: Jap maksimumin për këtë fanellë

0

Prurjet e reja nuk mungojnë në Kombëtare, teksa këtë herë trajneri Edoardo Reja ka vendosur të thërrasë në ekip tre debutues. Një prej tyre është Kristjan Asllani, i cili i është bashkuar ekipit në këtë grumbullim që ka nisur prej ditës së hënë në Spanjë në kuadër të dy ndeshjeve miqësore që Shqipëria do të zhvillojë ndaj Spanjës më 26 mars në transfertë e më pas ndaj Gjeorgjisë në vendin tonë më 29 mars, në stadiumin “Air Albania”.

Nga grumbullimi i Kombëtares, mesfushori kuqezi që më parë ka qenë pjesë e Shpresave dhe që luan në Serinë A me skuadrën e Empolit përmes një videomesazhi shprehet i lumtur që është bashkuar me ekipin A, teksa premton se do të japë maksimumin për fanellën kuqezi. Në fund, Asllani nuk harron të përshëndesë as tifozët shqiptarë. “Jam Kristjan Asllani, sapo i jam bashkuar ekipit kombëtar. Jam shumë i lumtur, do të jap maksimumin për këtë fanellë. Një përqafim të gjithë tifozëve shqiptar” – shprehet Asllani në videomesazhin e tij.

You might also like
Leave A Reply

Your email address will not be published.